ഗാന പരിചയം: പിരിവോം സന്ധിപ്പോം
മൊഴിക്കും സിവപ്പതികാരത്തിനും ശേഷം മനം മയക്കുന്ന സംഗീതവുമായി വിദ്യാസാഗര്‍ വീണ്ടും. ചേരനും സ്നേഹയും പ്രധാന വേഷങ്ങളില്‍ അഭിനയിക്കുന്ന "പിരിവോം സന്ധിപ്പോം" എന്ന തമിഴ്‌ ചിത്രത്തിലെ ആറു ഗാനങ്ങളും ഏറെ ആസ്വാദ്യകരമാണ്‌. നമ്മുടെ വിനീത്‌ ശീനിവാസനും സൈന്ധവിയും ചേര്‍ന്ന് പാടിയിരിക്കുന്ന "ഇരു വിഴിയോ" എന്ന ഗാനമാണു ഏറ്റവും മനോഹരം. കാര്‍ത്തിക്‌,ശ്വേത, സാധനസര്‍ഗം,ഹരിണി, ശ്രേയ,ബല്‍റാം, ജയറാം തുടങ്ങി ഗായക നിര. കേള്‍ക്കും തോറും കാതിനിമ്പം തോന്നിപ്പിക്കുന്ന "മേലൊഡിയസ്സായ" ഈണങ്ങള്‍ തന്നെ.മലയാളത്തിലും വിദ്യാസാഗറിന്റെ ഗാനങ്ങള്‍ നമ്മളെല്ലാം ഏറെ ഇഷ്ടപ്പെടുന്നവയാണ്‌.തമിഴില്‍ മിസ്റ്റര്‍ മദ്രാസ്‌ മുതല്‍ വിദ്യാസാഗര്‍ അനേകം ഇമ്പമാര്‍ന്ന ഗാനങ്ങള്‍ സമ്മാനിച്ചിട്ടുണ്ട്‌.അധികം ബഹളങ്ങളില്ലാത്ത മധുര ഈണങ്ങള്‍ ഇഷ്ടപ്പെടുന്ന സംഗീത പ്രേമികള്‍ക്കു ഇഷ്ടമാവും ഈ ഗാനങ്ങള്‍.
1 comment:
നന്നാവുന്നുണ്ട്.
.....ഭടന്‍
Post a Comment