Sunday, September 20, 2009

ഒരു ഗുണ്ടാ അനുഭവം !

ഇന്നലെ ചെറിയ പെരുന്നാള്‍ ദിനം. പുത്തനുടുപ്പുകളണിഞ്ഞ മകന്‍ ഏറെ പ്രതീക്ഷയോടെ എന്നോട് ചേദിച്ചു.. "പപ്പാ..ഇപ്പോ എന്നെക്കണ്ടാല്‍ ഒരു ഗുണ്ടയെപ്പോലെയുണ്ടോ?" ചോദ്യം കേട്ടു ഞാന്‍ കുറേയേറെ ചിരിച്ചുവെങ്കിലും എന്റെ മറുപടിക്കായി കാത്തുനില്‍ക്കുന്ന കക്ഷിയോട് എന്തു പറയണമെന്നറിയാതെ ഞാന്‍ കുഴങ്ങി.

എന്നെ കണ്ടാല്‍ മോഹന്‍ലാലിനെപ്പോലെയുണ്ടോ..മമ്മൂട്ടിയേപ്പോലെയുണ്ടോ എന്നോക്കെ ചോദിച്ചു ശീലിച്ചിട്ടുള്ള നാലര വയസ്സുകാരന്‍ ഇപ്പോഴത്തെ സൂപ്പര്‍സ്റ്റാര്‍ 'ഗുണ്ട' യാണെന്നു തിരിച്ചറിഞ്ഞിരിക്കുന്നു!


ഇനി ഗുണ്ടകള്‍ക്ക് ഫാന്‍സ് അസോസിയേഷനുകള്‍ വരെയാകുന്ന കാലം വരില്ലെന്നാരു കണ്ടു ?!!

Monday, April 13, 2009

വിഷുക്കണി

വിഷുവല്ലേ...ഇതാ വിഷുക്കണി.


പരിഭവിക്കരുതേ..



എല്ലാര്‍ക്കും വിഷു ആശംസകള്‍ !


Sunday, March 22, 2009

വിശപ്പിന്റെ ദുരിതം

കോണ്‍ഗ്രസ്സിന്റെ സ്ഥാനാര്‍ത്ഥിപ്പട്ടിക പ്രഖ്യാപനം കാത്ത് അക്ഷമരായി കേരളത്തിലെ പത്ര - ദൃശ്യ മാധ്യമങ്ങളും ഒപ്പം രാഷ്ട്രീയക്കാരും കുറേ പൊതു ജനങ്ങളും ഡല്‍ഹിയിലേക്ക് കണ്ണും നട്ട് കാത്തിരുന്ന ദിവസം അധികമാരുടെയും ശ്രദ്ധയില്‍ പെടാതെ പോയൊരു സംഭവമാണിത്.

വിശപ്പടക്കാന്‍ വഴി കാണാതെ ഞാവല്‍ പഴത്തിനായി മരത്തില്‍ പിടിച്ചു കയറിയ ആ ബാലന്‍, ഭക്ഷണം വാങ്ങിത്തരാമെന്ന് കേട്ടപ്പോള്‍ ആ തിടുക്കത്തില്‍ താഴേക്കിറങ്ങിയപ്പോഴാവണം പിടിവിട്ടു താഴേക്ക് വീണത്.

വിശപ്പടക്കാന്‍ നിവൃത്തിയില്ലാത്ത ജൂഡിനേപ്പോലെ.. ജൂഡിന്റെ അമ്മയെപ്പോലെ തെരുവുകള്‍ അലയുന്നവരെ സംരക്ഷിക്കുമെന്ന വാഗ്ദാനമെങ്കിലും ഒരു പ്രകടന പത്രികയിലും കണ്ടെന്നു വരില്ല.

ഒരു നിമിഷമെങ്കിലും ഈ ദുരവസ്ഥയെപ്പറ്റി ചിന്തിക്കുവാന്‍ നമുക്കാവട്ടേ..

വാര്‍ത്തക്ക് കടപ്പാട്: ദീപിക

Monday, February 23, 2009

ഇന്ന് ഉത്രാളിക്കാവ് പൂരം


കുമരനെല്ലൂര്‍ മുതല്‍ ഓട്ടുപാറ വഴി അമ്പലം വരെ നടന്നും പിന്നെ പൊത്തിപ്പിടിച്ച് കുന്നിന്‍ മുകളില്‍ കയറി നല്ലൊരു ഇരിപ്പിടം തരപ്പെടുത്തിയും നാലു മണിക്കുള്ള വെടിക്കെട്ട് ആസ്വദിച്ചിരുന്ന ഓര്‍മ്മകള്‍‍ അയവിറക്കി..ഇത്തവണത്തെ പൂരവും ഗംഭീരമായിരിക്കട്ടെ എന്നാശംസകള്‍ നേരുന്നു.

Saturday, January 31, 2009

നാഗേഷിന്‌ ആദരാഞ്ജലികള്‍


അഭിനയത്തികവിന്‌ ആദരാഞ്ജലികള്‍. പ്രശസ്ത നടന്‍ നാഗേഷിന്‌ മുഖവുര ആവശ്യമില്ല. കൂടുതലായും ഹാസ്യ കഥാപാത്രങ്ങളാണ്‌ അവതരിപ്പിച്ചിട്ടുള്ളതെങ്കിലും, വില്ലനായും സ്വഭാവനടനായും അദ്ദേഹം തിളങ്ങിയിട്ടുണ്ട്. അവസാനമായി ദശാവതാരത്തിലാണദ്ദേഹത്തെ കണ്ടത്. കമലഹാസന്‌ നാഗേഷിനോട് പ്രത്യേക താല്പര്യമുള്ളതായി തോന്നിയിട്ടുണ്ട്. കമലിന്റെ ചിത്രങ്ങളില്‍ നാഗേഷ് സ്ഥിരമായി കാണപ്പെട്ടിരുന്നു, പ്രാധാന്യമുള്ള വേഷങ്ങളില്‍ തന്നെ. എപ്പോഴും ഓര്‍മ്മയില്‍ നില്‍ക്കുന്നത് കമലഹാസന്റെ അപൂര്‍വ്വസഹോദരങ്ങളിലെ നാഗേഷിന്റെ വില്ലന്‍ വേഷം തന്നെ. കമലിന്റെ തന്നെ നമ്മവര്‍ എന്ന ചിത്രത്തിലെയും നാഗേഷിന്റെ കഥാപാത്രം ഓര്‍മ്മകളില്‍ നിറയുന്നു. പഞ്ചതന്ത്രത്തില്‍ ഒരു തലവേദനയായി മരുമകന്‍ കമലഹാസനെ പിന്തുടരുന്ന അമ്മായി അച്ഛനായും നാഗേഷ് കസറി. ആയിരത്തോളം ചിത്രങ്ങളില്‍ അഭിനയിച്ചിരിക്കുന്നു അദ്ദേഹം. പ്രേക്ഷക ലക്ഷങ്ങളെ ചിരിപ്പിക്കുകയും ചിലപ്പോഴൊക്കെ കരയിക്കുകയും ചെയ്ത ആ മുഖം ഇനി ഓര്‍മ്മകളില്‍ മാത്രം...കഥാപാത്രങ്ങളിലൂടെ നാഗേഷ്‌ നമുക്കിടയില്‍ നിറഞ്ഞു നില്‍ക്കും ! ശരിയാണ്‌..ഒരു കലാകാരന്‌ മരണമില്ല !